සංවර්ධනයේ නව යුගයක් සඳහා ශ්‍රී ලංකාව සමඟ සහයෝගයෙන් කටයුතු කිරීමට චීනය ඊයේ සූදානම ප්‍රකාශ කළේය.
බීජිං හි සංචාරයක නිරත ශ්‍රී ලංකා ජනාධිපති අනුර කුමාර දිසානායක මහතා සමඟ පැවති සාකච්ඡාවේදී චීන ජනාධිපති ෂී ජින් පිං මහතා මේ බව ප්‍රකාශ කළේය.
චීනයේ සිව් දින රාජ්‍ය සංචාරයක නිරත වූ දිසානායක මහතාට අඟහරුවාදා පැමිණි අවස්ථාවේ උණුසුම් පිළිගැනීමක් ලැබුණු අතර ඊයේ මහජන මහා ශාලාවේදී ජනාධිපති ෂී මහතා සමඟ නිල හමුවක් පැවැත්වීය.
ජනාධිපති දිසානායක මහතා මහා ශාලාවට පැමිණි පසු, ජනාධිපති ෂී මහතා ඔහුව උණුසුම් ලෙස පිළිගත්තේය. පිළිගැනීමේ උත්සවය චාරිත්‍රානුකූල වෙඩි මුර ආචාරයක් ඇතුළුව මහත් ගෞරවයෙන් පවත්වන ලදී. ජනාධිපති ධුරයට පත්වීමෙන් පසු ප්‍රථම වතාවට දිසානායක මහතා ජැකට් සහ ටයි පටියක් පැළඳ සිටියේය.
නායකයින් දෙදෙනා අතර මූලික සුහද සාකච්ඡාවලින් පසුව, ද්විපාර්ශ්වික සාකච්ඡා ආරම්භ වේ.