නෙදර්ලන්තය පරදවා ලකුණු 16ක ජයක් ලැබූ ශ්‍රී ලංකා කණ්ඩායම 20/20 ලෝක කුසලාන තරගාවලියේ සුපිරි 12 දෙනා අතරට එක්වීමට අද (20) සමත් විය.
කාසියේ වාසිය දිනූ ශ්‍රි ලංකා කණ්ඩායම තරගයේ පළමුව පන්දුවට පහරදුන් අතර කඩුලු 6ක් දැවී ලකුණු 162ක් රැස් කළේය.
ඊට පිළිතුර ලෙස නෙදර්ලන්ත කණ්ඩායමට ලබාගත හැකිවූයේ ලකුණු 146ක් පමණි. නෙදර්ලන්ත කණ්ඩායම වෙනුවෙන් මැක්ස් ඕ ඩවුඩ් නොදැවී ලකුණු 71ක් රැස් කළ අතර නායක ස්කොට් එඩ්වර්ඩ්ස් ලකුණු 21ක් රැස් කළේය
ශ්‍රී ලංකා ඉනිම ඉහළට ඔසවා තබමින් අගනා ඉනිමක් ක්‍රීඩා කළ කුසල් මෙන්ඩිස් ලකුණු 79ක් රැස්කළ අතර ඔහුගේ ඉනිම සඳහා 6 පහර 5ක් සහ හතරේ පහර 5ක් ඇතුළත්විය.
පන්දු යැවීමේදී ශ්‍රී ලංකා කණ්ඩායම වෙනුවෙන් වනිඳු හසරංග කඩුලු 3ක් දවා ගත් අතර මහේෂ් තීක්ෂණ කඩුලු 2 දවාගත්තේය. චරිත් අසලංක පන්දු 30කට මුහුණ දෙමින් ලකුණු 31ක් රැස්කළ අතර භානුක රාජපක්ෂ ලකුණු 19ක් රැස්කළේය.