ශ්‍රී ලංකාව දියුණු කළ හැක්කේ වත්මන් ආණ්ඩුව වෙනස් වුවහොත් පමණක් බව හිටපු ජනාධිපති මෛත්‍රීපාල සිරිසේන මහතා පැවසීය.
ඔහු මේ බව කියා සිටියේ ශ්‍රී ලංකාවේ චීන තානාපති Qi Zhenhang මහතා හමුවීමෙන් අනතුරුව පොළොන්නරුවේදී මාධ්‍ය වෙත අදහස් දක්වමිනි.
ශ්‍රී ලංකාවට විදේශිකයන්ගේ සහ සංවිධානවල සහයෝගය ලබාගත හැක්කේ අන්තර්වාර ආණ්ඩුවක් පිහිටුවා මහ මැතිවරණයක් පැවැත්වීමෙන් පමණි.
පොහොර සැපයුම, ඉන්ධන හිඟය, ආහාර නිෂ්පාදනය ඇතුළු සෑම අංශයකින්ම රට පරිහානියට පත්වෙලා.
ආර්ථික අර්බුදයෙන් ශ්‍රී ලංකාවට එල්ල වී ඇති අභියෝගවලට මුහුණ දීම සඳහා චීනය ඉදිරිපත් කර ඇති යෝජනා පිළිබඳව ද දෙපළ සාකච්ඡා කළහ.
අමාත්‍යවරුන් 15 දෙනෙකුගෙන් යුත් සර්ව පාක්ෂික අන්තර්වාර ආණ්ඩුවක් පිහිටුවිය යුතු බවත් ඉන් අනතුරුව මහ මැතිවරණයක් පවත්වා ජනවරම ලබා ගැනීමට කටයුතු කරන බවත් ඔහු පෙන්වා දුන්නේය.
වත්මන් රජය ගෙන එන සියලුම වාසිදායක ප්‍රතිසංස්කරණ සඳහා තම පක්ෂය විපක්ෂයේ අසුන්ගෙන සහාය දෙන බව ඔහු පැවසීය.
කෙසේ වෙතත්, ලංකා විදුලිබල මණ්ඩල (සංශෝධන) පනත් කෙටුම්පත ඇතැම් වගන්තිවලට එකඟ නොවීම හේතුවෙන් තම පක්ෂය ඊට ඡන්දය දීමෙන් වැළකී සිටි බව ඔහු වැඩිදුරටත් පැවසීය.