ජාත්‍යන්තර මූල්‍ය අරමුදලේ ශ්‍රී ලංකාව පිළිබඳ වාර්තාව පිළිබඳව ශ්‍රී ලංකා මහ බැංකුව විසින් වාර්තාවක් නිකුත් කර තිබේ.
ශ්‍රී ලංකාව සම්බන්ධයෙන් ජාත්‍යන්තර මුල්‍ය අරමුදල විසින් ඉදිරිපත් කර ඇති නිර්දේශ රැසක් මේ වන විටත් ක්‍රියාත්මක කර ඇති බව මහබැංකුව ප්‍රකාශ කර තිබෙනවා.
ශ්‍රී ලංකාවේ ආර්ථික තත්ත්වය පිළිබඳ දීර්ඝ අධ්‍යයනයකින් අනතුරුව ජාත්‍යන්තර මූල්‍ය අරමුදල (IMF) ශ්‍රී ලංකාව පිළිබඳ සිය වගන්ති iv වාර්තාව ඊයේ නිකුත් කළේය.
ශ්‍රී ලංකා මහ බැංකුව නිවේදනයක් නිකුත් කරමින් දැනටමත් මුදල් ප්‍රතිපත්තිය දැඩි කර ඇත. එය විනිමය අනුපාතිකය නම්‍යශීලීව පැවතීමට ඉඩ සලසා දුන් අතර ශ්‍රී ලංකා ආර්ථිකය ස්ථාවර කිරීම සඳහා විදේශ විනිමය වෙළඳාමට තිබූ සීමාවන් ඉවත් කළේය.
නිවේදනයක් නිකුත් කරමින් මහ බැංකුව කියා සිටියේ ජාත්‍යන්තර මූල්‍ය අරමුදල සමඟ සමීප සබඳතාවක් ඇති කර ගැනීමට රජය අපේක්ෂා කරන බවත් එවැනි මැදිහත්වීමකට සහයෝගය දැක්වීමට සූදානම් බවත්ය.