කටුනායක ගුවන් තොටුපළට ඇතුළු වන ඉහළ ආදායම් ලබන ගුවන් ගමන් සඳහා ‘ගෝල්ඩ් රූට්’ නමින් නව සේවා පර්යන්තයක් විවෘත කර තිබේ.
වරාය, නාවික හා ගුවන් සේවා අමාත්‍ය නිමල් සිරිපාල ද සිල්වා මහතා විසින් නව පර්යන්තය ඊයේ විවෘත කරන ලදී.
ඉහළ ආදායම් ලබන්නන්ට ගුවන් තොටුපළ රාජකාරි සඳහා පෝලිම් නොගෙන මෙම විවේකාගාරයට ගොස් තම ආගමන හා රේගු නිෂ්කාශනය, ආහාරපාන සහ සන්නිවේදන අවශ්‍යතා ඉක්මනින් ඉටු කර ගත හැකිය.
රාජ්‍ය නිලධාරීන්ට සහ දේශපාලනඥයන්ට විශේෂ වරප්‍රසාද හිමිවන එවැනි ප්‍රභූ පර්යන්තයක් කටුනායක ගුවන්තොටුපළේද තිබේ.
නව පර්යන්තය එක් මගියෙකුගෙන් ඩොලර් 200ක් අය කෙරේ.
——-