ඖෂධ නැත: ජාතික රෝහලේ හෘද සැත්කම් නතර කිරීමේ හැකියාව
ලබන ජුනි මාසයේ සිට කොළඹ ජාතික රෝහලේ හදවත් සැත්කම් නතර කරන බවට වෛද්‍යවරුන් අනතුරු අඟවා තිබෙනවා.
ශල්‍යකර්මයට අවශ්‍ය ඖෂධ සහ ශල්‍ය උපකරණ නොමැතිවීම ඊට හේතුව බව හෘද රෝග විශේෂඥ ගෝඨාභය රණසිංහ මහතා පවසයි.
සාමාන්‍යයෙන් ජාතික රෝහලේ දිනකට හෘද සැත්කම් හතරක් සිදු කරන අතර, එම සංඛ්‍යාව මේ වන විට අඩු වී ඇත.හෘද රෝගීන් සඳහා අත්‍යවශ්‍ය එන්නත්වල හිඟයක් පවතින බවත්, ඒ අනුව හෘද රෝගීන් වැඩි අවදානමකට ලක්ව ඇති බවත් ඔහු පැවසීය.හෘද සැත්කම්වලදී ලබාදිය හැකි හදිසි ඖෂධ රැසක හිඟයක් රෝහලේ පවතී.
ඉදිරි මාස තුන ඇතුළත ඖෂධ ලබා නොදුන්නොත් වෙනත් ශල්‍යකර්ම අවදානම් බව පැවසේ