කියුබාවේ අගනුවර වන හවානාහි සරටෝගා කාමර 86 කින් යුත් හෝටලයේ අලුත්වැඩියා කටයුතු සිදු වෙමින් පැවතුනි.
මේ අවස්ථාවේදී බියකරු ශබ්දයක් සමඟ හෝටල් ගොඩනැගිල්ලට හානි වී කඩා වැටී ඇත. ස්වභාවික ගෑස් රැගෙන යන නළයේ කාන්දුවක් ඇති වී එය පුපුරා ගොස් ඇති බව අනාවරණය විය.
හෝටලය ප්‍රතිසංස්කරණය කරමින් පවතින බැවින් සංචාරකයන් කිසිවකු එහි රැඳී සිටියේ නැත. එහෙත් ප්‍රබල පිපිරීමෙන් හෝටලය අවට ගොඩනැඟිලිවලට ද හානි සිදු විය. අනතුර සිදු වූ ස්ථානයට ළගා වූ ජීවිතාරක්ෂක කණ්ඩායම් මියගිය අයගේ සිරුරු ගොඩගෙන පශ්චාත් මරණ පරීක්ෂණය සඳහා යවා ඇත.
අද උදෑසන වන විට පුද්ගලයින් 8 දෙනෙකු මියගොස් ඇති බව වාර්තා වේ. පසුව සිරුරු ගොඩගනු ලැබූ අතර, අද උදෑසන වන විට ළමුන් 14 දෙනෙකු ඇතුළු පුද්ගලයින් 22 දෙනෙකු මියගොස් ඇති බව වාර්තා වේ. 74 දෙනෙක් තුවාල ලැබූහ.
“එය බෝම්බ පිපිරීමක් හෝ ප්‍රහාරයක් නොවේ,” ජනාධිපති මිගෙල් ඩයස්-කැනල් පැවසීය. ඒක ඛේදනීය අනතුරක්. හෝටලය අවට ගොඩනැගිලිවලින් මිනිසුන් ඉවත් කර ඇත.
කියුබා රූපවාහිනි නාලිකාව පැවසුවේ ලොරි රථයේ සිට හෝටලයට ගෑස් බෙදා හැරීමේදී කාන්දුව සිදුව ඇති බවයි.