දේශබන්දු තෙන්නකෝන් මහතාට එරෙහිව ශ්‍රේෂ්ඨාධිකරණය ලබාදුන් අතුරු නියෝගයෙන් පසු පොලිස්පතිවරයාගේ තනතුර සම්බන්ධයෙන් මතුව ඇති අර්බුදය සම්බන්ධයෙන් සාකච්ඡා කර එය විසඳා ගන්නා ලෙස ජනාධිපති රනිල් වික්‍රමසිංහ මහතා ඊයේ (28) පාර්ලිමේන්තුවේ කථානායකවරයාගෙන් සහ අගවිනිසුරුවරයාගෙන් ඉල්ලා සිටියේය.
ඊයේ පැවති රැස්වීමක් අමතමින් ඔහු කියා සිටියේ මෙම අතුරු නියෝගය නිකුත් කිරීමට පෙර ශ්‍රේෂ්ඨාධිකරණය මැතිවරණ කොමිසමෙන් උපදෙස් ලබා ගත යුතුව තිබූ බවයි. මැතිවරණ සමයේදී පොලිසිය යෙදවීමට පොලිස්පතිවරයාගේ අවසරය තිබීමේ අවශ්‍යතාව අවධාරණය කළ ඔහු, පොලිස් දෙපාර්තමේන්තුවේ කිසිදු යටත් තනතුරකට එසේ කිරීමට බලයක් නොමැති බව සඳහන් කළේය. එබැවින් කඩිනමින් විසඳුමකට පැමිණිය යුතු බවද ඔහු වැඩිදුරටත් පැවසීය.
වාර්තාව K.Anitha විසිනි