තහනම් කර ඇති දෙමළ ඊළාම් විමුක්ති කොටි සංවිධානයට සම්බන්ධ සැමරුම් තහනම් බව මහජන ආරක්ෂක අමාත්‍ය ආනන්ද විජේපාල ප්‍රකාශ කළා.
පුද්ගලයන්ට යුද්ධයෙන් මියගිය තම ඥාතීන්ට ගෞරව කළ හැකි අතර, එල්ටීටීඊය උත්කර්ෂයට නංවන සැමරුම්, එහි සංකේත, නිල ඇඳුම් හෝ රූප ප්‍රදර්ශනය කිරීම ඇතුළුව නීති විරෝධී බව ඔහු පැහැදිලි කළේය.
එල්ටීටීඊයට සම්බන්ධ සැමරුම් සඳහා කිසිදු ඉඩක් නොමැති බවත්, මෙම නීති ක්‍රියාත්මක කිරීමට රජය කැපවී සිටින බවත් අමාත්‍ය විජේපාල අවධාරණය කළේය
