‘බුද්ධි’ මෙහෙයුමේ යෙදුණු නාවික හමුදා යාත්‍රාවක් පුද්ගලයන් කිහිප දෙනෙකු සමඟ අතුරුදන් වෙයි

නාවික හමුදා සාමාජිකයින් කිහිප දෙනෙකු රැගත් බහුදින ධීවර යාත්‍රාවක් මේ සතිය මුලදී ශ්‍රී ලංකාවට ඔබ්බෙන් අතුරුදන් වී තිබේ. නෞකාවේ සිටි පුද්ගලයින් සමඟ නාවික හමුදාවේ සබඳතා බිඳ වැටී ඇති අතර, අතුරුදන් වූ යාත්‍රාව සොයා ගැනීමට ගත් උත්සාහය මෙතෙක් අසාර්ථක වී ඇති බව ආරංචි මාර්ග සඳහන් කළේය. සන්නිවේදන විසන්ධි වූ අවස්ථාවේ පුද්ගලයින් 6 දෙනෙකු මුර සංචාරයේ යෙදී සිට ඇති බවට විශ්වාස කෙරේ. ඔවුන් සාමාන්‍ය මුර සංචාරයක යෙදී සිට ඇති බව ආරංචි මාර්ග පවසයි. එම ඒකකය මත්කුඩු රැගත් යාත්‍රාවක් සොයමින් සිටි බවටද අනුමාන කෙරේ.