ජනාධිපති ගෝඨාභය රාජපක්ෂ මහතා සිංගප්පූරුවේ සංචාරයක නිරත විය
ආරංචි මාර්ගවලට අනුව ජනාධිපති ගෝඨාභය රාජපක්ෂ මහතා අද පස්වරුවේ මාලදිවයිනේ සිට සිංගප්පූරුව බලා පිටත්ව ගියේය.
ජනාධිපති ගෝඨාභය රාජපක්ෂ, ඔහුගේ බිරිඳ අයෝමා රාජපක්ෂ සහ ආරක්ෂක නිලධාරීන් දෙදෙනෙකු ඊයේ රාත්‍රියේ මාලේ සිට සිංගප්පූරු ගුවන් සේවයට අයත් ගුවන් යානයකින් සිංගප්පූරුව බලා යාමට නියමිතව තිබුණි.
කෙසේ වෙතත්, ආරක්ෂක හේතූන් මත සිංගප්පූරුව බලා යාමට නියමිතව තිබූ ගුවන් යානය කල් දැමුණා.
ගෝඨාභය රාජපක්ෂ මහතා මාලදිවයිනේ සිට පිටත්ව යාමට පෞද්ගලික ජෙට් යානයක් ඉල්ලා ඇති බවට වාර්තා පළ වූ අතර මාලදිවයිනේ බලධාරීන් ඊයේ රාත්‍රියේ ඒ සම්බන්ධයෙන් සාකච්ඡා කර තිබේ.
මාලදිවයිනේ වේලාන ජාත්‍යන්තර ගුවන් තොටුපළේ සිට සෞදි ගුවන් සේවයට අයත් ගුවන් යානයක් අද උදෑසන සිංගප්පූරුව බලා ගමන් කරමින් සිටි බව වාර්තා වේ. මේ අතර අද සිංගප්පූරුවට ළඟාවීමෙන් පසු ජනාධිපතිවරයා සිය ඉල්ලා අස්වීමේ ලිපිය යොමු කිරීමට නියමිතව තිබිණි